O recinto do Mercado de Moeche acolleu o sábado 3 de novembro  o  II Open de dominó Concello de Moeche  no que se inscribiron un total de 30 parellas. A xornada estivo marc ada polo éxito de participación e por un ambiente agradable onde a paixón polo dominó  foi o denominador común.

A primeira hora da mañá  os colaboradores  coa organización xa tiñan todo preparado para acoller aos  60 deportistas inscritos na cita. Tras efectuar o sorteo correspondente de emparellamentos  -co apoio técnico da Federación Galega de Dominó- ás once da mañá arrancaba a primeira rolda supervisada polo árbitro pertencente tamén á federación.

Tres roldas na mañá e logo un  descanso de  dúas horas para xantaren e ás 16.00h., volta de novo ás mesas de xogo. A xornada, que contou tamén coa participación de membros da Federación Asturiana de Dominó,   finalizou coa vitoria dunha parella das Pontes,  composta por  Montero e Formoso.

A mellor parella modestina: Gerardo Dopico e Miguel Barbados

O subcampionato quedou na comarca, concretamente en mans de Manuel Pérez Lamigueiro e Benigno Santalla, de Moeche e Cerdido respectivamente. O premio á mellor parella local recaeu nos veciños Gerardo Dopico e Miguel Barbado.

Os premios ás 8 parellas que obtiveron a mellor clasificación entregáronos a Alcaldesa, Beatriz Bascoy, a Concelleira de Deportes, Iria Couce, o presidente da Federación Galega de Dominó, Manuel Seoane, o presidente  da Federación Asturiana de Dominó, Joaquín Fernández,  e o árbitro do evento, así como  representantes de Lácteos Moeche e Bar O Mercado, que doaron varios dos premios. O evento contou ademais coa colaboración do Bar Queira.

A actuación do grupo musical do Val de Moeche pechou unha exitosa xornada para as persoas afeccionadas ao mundo do dominó.

 

Cadro cos 8 primeiros premios

Clasificación Parella  Partidas xogadas Partidas gañadas   Puntuación
1 Montero-Formoso 6 5 615
2 Benigno Santalla-Manuel Pérez 6 5 474
3 José Vizoso-Tucho 6 5 272
4 Miguel Rico-José Toucedo 6 4 633
5 Joaquín-Pastor 6 4 595
6 Xan Rey-Manolo 6 4 378
7 Manuel Seoane- Andrés Monteagudo 6 4 249
8 Andrés- Gerardo 6 4 190

Mellor parella modestina :  Gerardo Dopico e Miguel Barbado