Centro de Interpretación

Centro de Interpretación das Revoltas Irmandiñas

A historia que non esquencemos

O principal punto de interese deste Centro de Interpretación é presentar a ligazón da historia de Galicia e das revoltas Irmandiñas co Castelo e a súa pervivencia. A construción conta cun copioso e recoñecido pasado histórico único, que deixou nela pegadas monumentais e culturais de primeira magnitude. Hoxe en día, e tras moitos avatares, funciona como centro de interpretación que ofrece:

  • Unha colección permanente, información para os visitantes e servizo de visitas guiadas.
  • Información sobre os contidos arquitectónicos e os relacionados co Movemento Irmandiño.
  • Exposición permanente sobre a Revolta irmandiña en Galicia.

Fomentar a comunicación co público

A súa formulación pretende interpretar os procesos históricos do seu marco xeográfico a partir dunha serie de bens culturais mobles representados nestas coleccións, e en ocasións, tamén inmobles, a través dos seus propios elementos, conformando o itinerario interpretativo. Neste caso, a construción, conta cun copioso e recoñecido pasado histórico único, que deixou nela pegadas monumentais e culturais de primeira magnitude, mesmo a escala estatal, tanto no seu territorio como no resto da zona.

A exposición

A exposición ofrece unha relación entre as distintas temáticas e a propia colección (paneis, documentación, obxetos, fotografía…) para conseguir unha visión global e evolutiva de cada unha delas, resaltando as súas similitudes e diferenzas a través do tempo.

Aínda que dirixida a tódos os públicos en xeral, busca achegarse tamén ao pobo e xentes de Moeche, buscando potenciar a súa memoria común e cultural e a súa ansia de proxectarse como pobo con identidade e historia propia para promover a participación cidadá local e rexional. Os contidos que se ofrecen pódense agrupar en tres grandes temas: as Revoltas Irmandiñas, a liñaxe da Casa de Lemos e o Castelo.

Horario

Reapertura 2020

Por motivos de mantemento e limpeza, o castelo permanecerá pechado ata o 13 de marzo de 2020

Data de reapertura: 14 de marzo de 2020

Mércores, xoves e venres: 11.30 a 14.00 ;  16.30 a 19.00h

Fins de semana e festivos.  11.00 a 14.00 ;  16.00 a 19.00 h

Luns e martes pechado por descanso do persoal.

Outros Centros de Interpretación

Podes ver información de outros museos e centros de interpretación na seguinte ligazón:

>>>VISITAR<<<

Nas redes sociais

[dc_social_wall id="29570"]

Colabora